პარლამენტის თავმჯდომარე ნეპოტიზმის კრიმინალიზაციასთან დაკავშირებით „საერთაშორისო გამჭირვალობის“ საკანონმდებლო ინიციატივას ეხმაურება და ამბობს, რომ დღევანდელი კანონმდებლობით, ნეპოტიზმის გამოვლინებები ისედაც აკრძალულია.

მისი თქმით, თუ ვინმე კანონს არღვევს კონკრეტული პასუხისმგებლობები ეკისრება.

„დღევანდელი კანონმდებლობით ნეპოტიზმის გამოვლინებები აკრძალულია. ზოგადად, თემა იმის თაობაზე, რომ საჯარო სამსახური უნდა იყოს გამჭვირვალე, მოსამსახურეების დასაქმება უნდა ეფუძნებოდეს შრომით უნარჩვევებს და პროფესიულ გამოცდილებას და სხვა ამ საკითხებს, ეს ძალიან მნიშვნელოვანი ამოცანაა, რომელიც საკანონმდებლო დონეზე მოგვარებულია. მას სჭირდება შესრულება და აღსრულება. თუ ვინმე უკეთესს გვთავაზობს, დიდი ყურადღებით განვიხილავთ", - განაცხადა უსუფაშვილმა.