საქართველოში ვიზიტად მყოფი დანიის, შვედეთის და პოლონეთის საგარეო საქმეთა მინისტრები „თავისუფალი დემოკრატების“ წევრებს შეხვდნენ.

როგორც შეხვედრის დასრულების შემდეგ პარტიის ერთ-ერთმა ლიდერმა ალექსი პეტრიაშვილმა განაცხადა, მინისტრებთან თავდაცვის სამინისტროს დაკავებული მაღალჩინოსნების საკითხი დააყენეს.

ასევე მისი ინფორმაციით, შეხვედრაზე საუბარი შეეხო შსს-ს და პროკურატურის რეფორმირებას.

„შეხვედრაზე დავაყენეთ საკითხი, რომელიც ეხება თავდაცვის სამინისტროს მაღალჩინოსნების უკანონო პატიმრობას. იმედი გამოვთქვით, რომ სასამართლო მიიღებს სამართლიან გადაწყვეტილებას. საუბარი შეეხო რეგიონში არსებულ საფრთხეებს, რომელსაც ძირითადად წარმოქმნის და გენერირებს ჩვენი მთავარი აგრესორი რუსეთი“, - განაცხადა პეტრიაშვილმა.