საგარეო საქმეთა მინისტრის მოადგილე გიგი გიგიაძე მიიჩნევს, რომ ქართული ენის სწავლების აკრძალვასთან დაკავშირებით გაჟღერებული ინიციატივა ადამიანის უფლებებს ლახავს.

მისი თქმით, ნებისმიერ პირს უფლება აქვს განათლება მიიღოს მშობლიურ ენაზე.

"ჩვენ მუდმივად ვახდენთ საერთაშორისო თანამეგობრობის ინფორმირებას ოკუპირებულ ტერიტორიებზე ადამიანის უფლებების დარღვევებთან დაკავშირებით. მიგვაჩნია, რომ ყველა ადამიანს აქვს უფლება საკუთარ ენაზე გამოხატოს აზრი და მიიღოს განათლება. ოკუპირებულ რეგიონებში გამუდმებით ირღვევა ადამიანის უფლებები. ჩვენ საქმის კურსში ვაყენებთ ყველა საერთაშორისო ორგანიზაციას, რათა მოხდეს აღნიშნულ ფაქტებზე დროული რეაგირება", - განაცხადა გიგიაძემ.