დღეს, საქართველოს შეიარაღებული ძალების V ქვეითი ბრიგადის 51-ე ბატალიონის მეორე ნაკადი ავღანეთიდან სამშობლოში დაბრუნდა.

150 ქართველ სამხედროს გენერალური შტაბის უფროსის მოადგილე, პოლკოვნიკი რომან ჯოხაძე ალექსეევკის სამხედრო აეროდრომზე დახვდა და ქართველ სამხედროებს სამშობლოში მშვიდობით დაბრუნება და აღდგომის ბრწყინვალე დღესასწაული მიულოცა.

პოლკოვნიკმა რომან ჯოხაძემ სამშვიდობოებს „მტკიცე მხარდაჭერის“ მისიის წარმატებით შესრულებისთვის მადლობა გადაუხადა.

„დღეს ჩამოვიდა 51-ე ბატალიონის მეორე ნაკადი, რომელიც მსახურობდა ავღანეთში და ასრულებდა ოპერაციას, მინდა , მათ მივულოცო აღდგომა და მშვიდობიანად დაბრუნება. ისინი საკმაოდ მძიმე მისიის შემდეგ, ჯანმრთელად დაბრუნდნენ ოჯახებში, ასევე მინდა დიდი მადლობა გადავუხადო მათ.“ - პოლკოვნიკი რომან ჯოხაძე.