პოლონეთი საქართველოს ევროპულ და ევროატლანტიკურ მისწრაფებებს მხარს უჭერს და საქართველოს ტერიტორიულ მთლიანობას პატივს სცემს.

ამის შესახებ პოლონეთის საგარეო საქმეთა მინისტრმა გჟეგოჟ სხეტინამ დანიის, პოლონეთის და საქართველოს საგარეო უწყებების ხელმძღვანელებთან ერტად გამართულ პრესკონფერენციაზე განაცხადა.

„პატივს ვცემთ საქართველოს ტერიტორიულ მთლიანობას, ისევე როგორც ხაზს ვუსვამთ თუ რაოდენ მნიშვნელოვანია აღმოსავლეთ პარტნიორობის პროგრამაში საქართველოს მონაწილეობა. კიდევ ერთხელ ვადასტურებთ ევროკაშირის ერთგულებას საქართველოს მიზნებისადმი, რისი განხილვაც მოხდება რიგის სამიტზე. მხარს ვუჭერთ საქართველოს ვევროპულ და ევროატლანტიკურ მისწრაფებებს. მსგავსი მდგომარეობა პოლონეთში ორი ათეული წლის წინ გვქონდა. მაშინ ჩვენთვის მხარდაჭერას ძალიან დიდი მნიშვნელობა ჰქონდა“, - განაცხადა სხეტინამ.

შეგახსენებთ, საქართველოში ვიზიტითი შვედეთის, დანიის და პოლონეთის საგარეო საქმეთა მინისტრები იმყოფებიან. მათ შეხვედრა გამართეს საქართველოს საგარეო უწყების ხელმძღვანელთან. ასევე აგეგმილია მინისტრების შეხვედრა პრემიერთან, პრეზიდენტთან და პარლამენტის თავმჯდომარესთან, ასევე არასაპარლამენტო ოპოზიციის წარმომადგენლებთან.