უზენაესი სასამართლოს თავმჯდომარე - ნინო გვენეტაძე, შვეიცარიის ელჩის ინტერვიუს გამოეხმაურა. გიუნტერ ბეხლერი გამოცემა „ფაინანშელის“ ინტერვიუში რეგიონებში სამართალწარმოებისას შესაძლო კორუფციულ გარიგებებზე საუბრობს.

„ასეთი ინფორმაცია არ გამაჩნია. თუ ადგილი აქვს კორუფციულ სამართალდარღვევას და კონკრეტულ დანაშაულს, მას გამოძიებისა და დევნის ორგანოების რეაგირება სჭირდება“ - განაცხადა ,ნინო გვენეტაძემ.

დიპლომატის, გიუნტერ ბეხლერი განცხადებით, უცხოელი ინვესტორები ჩივიან, რომ მათ აიძულებენ, გადაიხადონ გადასახადები ან ჯარიმები, რომლებიც გაუმართლებელია ან დაკავშირებულია წინა ხელისუფლების გაურკვეველ საგადასახადო დავებთან. ბეხლერის თქმით, ინვესტიციების რაოდენობა კვლავ გაიზრდება, თუ მიიღწევა რეგიონული უსაფრთხოება და შიდა სტაბილურობა, რისთვისაც ის ხელისუფლებას ეროვნულ უსაფრთხოებაში, თავდაცვით შესაძლებლობებში და სოციალურ-ეკონომიკური მიმართულებით ინვესტიციების ჩადებას ურჩევს.

აღსანიშნავია, რომ საგარეო საქმეთა მინისტრი თამარ ბერუჩაშვილი, შვეიცარიის ელჩის განცხადებაზე, კომენტარის გაკეთებისგან თავს იკავებს. ქვეყნის პირველი დიპლომატის თქმით, ის არც სტატიას გაცნობია და არც გიუნტერ ბეხლერთან ჰქონია ამ თემაზე საუბარი.