თავდაცვის მინისტრმა - მინდია ჯანელიძემ, გარდაცვლილი პოლიციელის ბექა მარგიშვილის ოჯახს მიუსამძიმრა. ქაშვეთის ეკლესიაში ყოფნისას, მინისტრმა განაცხადა, რომ იგი დარწმუნებულია დანაშაული უმოკლეს ვადებში გაიხსნება და დამნაშავე საკადრისად დაისჯება.

„ვუსამძიმრებ გარდაცვლილი გმირი პოლიციელის ოჯახს. ეს არის უდიდესი ტრაგედია ჩვენი ქვეყნისთვის. დარწმუნებული ვარ, უახლოეს ხანებში ეს დანაშაული გაიხსნება, დამნაშავე საკადრისად დაისჯება და ვერავინ, ვინც ხელს აღმართავს პოლიციის წინააღმდეგ, დაუსჯელი ჩვენს ქვეყანაში ვერ იქნება. ყველას საკადრისი პასუხი მიეზღვება“- განაცხადა მინდია ჯანელიძემ.