სასჯელაღსრულების და პრობაციის მინისტრი - გიორგი მღებრიშვილი ქაშვეთის ეკლესიაში, მოკლული პოლიციელის ბექა მარგიშვილის პანაშვიდზე იმყოფებოდა. მისი თქმით, კრიმინალური სამყაროს მიერ განზრახული ყველა დანაშაული უმკაცრესად დაისჯება.

"ვუსამძიმრებ გარდაცვლილის ოჯახს და ერთი რამ შემიძლია მოკლედ ვთქვა, რომ ამ საზარელ დანაშაულს უმკაცრესი პასუხი უნდა გაეცეს. დარწმუნებული ვარ, ასეც იქნება, უმკაცრესი პასუხი გაეცემა ამ და ყველა სხვა დანაშაულს, რომელსაც კრიმინალური სამყარო განიზრახავს", - განაცხადა გიორგი მღებრიშვილმა.

ბექა მარგიშვილის სამოქალაქო პანაშვიდზე იუსტიციის მინისტრი - თეა წულუკიანი, სოფლის მეურნეობის მინისტრი - ოთარ დანელია, თბილისის მერი - დავით ნარმანია და პარტია „თავისუფალი დემოკრატების“ წარმომადგენლებიც იმყოფებოდნენ.