„ერთიანი ნაციონალური მოძრაობის“ წარმომადგენლებმა 9 აპრილს დაღუპულებს პატივი მიაგეს და გმირთა მემორიალი გვირგვინით შეამკეს. პარტიის წარმომადგენლებმა 26 წლის წინ მომხდარი ტრაგედია გაიხსენეს და აღნიშნეს, რომ ბრძოლა საქართველოს დამოუკიდებლობისთვის ჯერ არ დასრულებულა და კვლავაც მიმდინარეობს.

"ამ ხალხმა ვინც სიცოცხლე შეწირა ჩვენ თავისუფლებას, ძალიან დიდი გავლენა მოახდინა იმაზე, რომ დაჩქარდა ამ ბოროტების იმპერიის დანგრევა და ჩვენ ყოველთვის უნდა ვიყოთ მადლიერები და შევინახოთ ამ ადამიანების ხსოვნა. ჩვენი ამოცანაა - აღარ მივიდეთ ამ მდგომარეობამდე „ - განაცხადა გიგა ბოკერიამ.

9 აპრილის მემორიალთან იმყოფებოდა დეპუტატი ზურაბ ჯაფარიძეც.

"აქ ამ მოედანზე ადამიანები საქართველოს დამოუკიდებლობას შეეწირნენ. ეს ბრძოლა დღემდე გრძელდება და ჩვენ ყველა ვართ ამაში ჩართულები ეს ბრძოლა დასრულება მაშინ, როცა საქართველო გახდება ცივილიზებული დამოუკიდებელი სამყაროს თავისუფალი წევრი,"- განაცხადა დეპუტატმა ზურაბ ჯაფარიძემ.