თავდაცვის მინისტრმა მინდია ჯანელიძემ 9 აპრილის მემორიალი გვირგვინით შეამკო და დაღუპულთა ხსოვნას პატივი მიაგო.

მისი თქმით, 9 აპრილს დაღუპულები გმირები არიან და მათ ხსოვნას ყველამ პატივი უნდა მივაგოთ.

„ისინი ნამდვილად ჩვენი ქვეყნის გმირები არიან და ყოველთვის პატივი უნდა მივაგოთ და გვახსოვდეს ის საქმე, რაც მათ გააკეთეს. მათ მოახერხეს ქართველი ხალხის კონსოლიდაცია თავისუფლებისთვის ბრძოლაში, რაც დამთავრდა ჩვენი დამოუკიდებლობის მოპოვებით. ამიტომ, ეს ხალხი ნამდვილად საქართველოს გმირები არიან და ქედს ვიხრი მათ წინაშე“, - განაცხადა მინდია ჯანელიძემ.