თავდაცვის მინისტრის მინდია ჯანელიძის თქმით, სისულელეა ინფორმაცია, რომ ის რუსეთსა და ბიძინა ივანიშვილს შორის საკონტაქტო პირი იყო.

ამის შესახებ ჯანელიძემ დეპუტატ გია ბარამიძის კითხვის საპასუხოდ განაცხადა.

მისი თქმით, ამ ინფორმაციით „ნაციონალურ მოძრაობას“ საზოგადოების სიცრუეში შეყვანა სურს.

„ეს უპასუხისმგებლო განცხადება, რომ მე ვინმეს ემისარი ვიყავი ან სადმე ვიყავი ემისარი. დააზუსტეთ ეს ინფორმაცია სად ვმუშაობდი და ამის შემდეგ ილაპარაკეთ. რაც შეეხება კონტრდაზვერვაში ჩემი მუშაობის პერიოდს, იქ გატარებული პერიოდი სიმაყით მინდა აღვნიშნო და ვთქვა, რომ ძალიან ბევრი კარგი საქმე გაკეთდა“, - განაცხადა ჯანელიძემ.