გთხოვთ, პოლიტიკურ სპეკულაციებს თავი დავანებოთ, ცერემონიაზე უნდა ვყოფილიყავი

გთხოვთ, პოლიტიკურ სპეკულაციებს თავი დავანებოთ, ცერემონიაზე უნდა ვყოფილიყავი - ჯანელიძე

პოლიტიკა - 15:53, 08 Apr, 2015

1598

თავდაცვის მინისტრის განცხადებით, ის აგვისტოში დაღუპული ჯარისკაცების ნეშტების დასაფლავებას უნდა დასწრებოდა, მაგრამ მინისტერიალის თარიღის ცვლილების გამო მან ამ ღონისძიებაზე დასწრება ვერ შეძლო. ჯანელიძემ უმცირესობას მოუწოდა ამ თემით პოლიტიკურ სპეკულაციებს ნუ ახდენენ, რადგან როგორც მინისტრი აცხადებს ეს ის თემა არ არის, რომელზეც სპეკულაციები შესაძლებელია.

„ძალიან გთხოვთ, რომ პოლიტიკურ სპეკულაციებს თავი დავანებოთ, რადგან ეს ის თემა არ არის, რომელზეც შესაძლებელია სპეკულაციები. თითოეული გმირი, რომელმაც ქვეყანას თავი შეწსირა - გმირია. მათ ხსოვნას პატივს მივაგებთ, მაგრამ ეს არ არის აფიშირების საგანი. ამ ღონისძიების ფორმატი შემუშავებული იყო სამღვდელოების, ოჯახებისა და სამხედროების მიერ. ცერემონიაზე უნდა ვყოფილიყავი, მაგრამ ისე მოხდა, რომ მინისტერიალის თარიღმა გადმოიწა და ჩემდა სამწუხაროდ, მისვლა ვერ მოვახერხე. სამინისტრო ღირეულად იყო წამორდგენილი“, - განაცხადა ჯანელიძემ.

აღნიშნული კომენტარი თავდაცვის უწყების ხელმძღვანელმა მას შემდეგ გააკეთა, რაც „ნაციონალური მოძრაობის“ წევრი ირმა ნადირაშვილმა მას შეკითხვა დაუსვა თუ რატომ არ იმყოფებოდა მინდია ჯანელიძე 2008 წლის აგვისტოში დაღუპული ჯარისკაცების ნეშტების დასაფლავებაზე.

„თქვენიმ მთავრობის წევრი ხართ, რომელიც თვლის, რომ ომი საქართველომ დაიწყო. შეიძლება, ამ ადამიანებს გმირებად არ თვლიდეთ, მაგრამ თქვენ ვალდებული იყავით, რომ ეს ინფორმაცია ჩვენთვისაც გეთქვათ და რა იყო მიზეზი, რომ ეს ცერემონია არავინ იცოდა?“, - მიმართა ჯანელიძეს ნადირაშვილმა.