თავდაცვის მინისტრ მინდია ჯანელიძის თქმით, ჯარის კვება მნიშვნელოვნად არის გაუმჯობესებული.

ამის შესახებ ჯანელიძემ თავდაცვის კომიტეტის სხდომაზე სიტყვით გამოსვლისას განაცხადა.

მისი თქმით, ქართულ შეიარაღებულ ძალებში შედის მხოლოდ პირველი კატეგორიის საქონლის ხორცი და რძის პროდუქტები, რომელიც ISO სტანდარტს აკმაყოფილებს.

„ჩვენ დინამიურად ვმოძრაობთ, რომ კვებითი მომსახურება ჯარში დღითიდღე უკეთესი გახდეს და ნატოს სტანდარტამდე მივიდეს. მინდა გითხრათ, რომ 7 დღიანი მენიუს ნაცვლად, შედგენილია მრავალფეროვანი, 14-დღიანი მენიუ, რომელშიც ახალი კომპონენტები შევიდა და შესაბამისად, მისი ღირებულება გაიზარდა. ასევე გაიზარდა საკვების ხარისხი და დაცული სანიტარული ნორმები“, - განაცხადა ჯანელიძემ.