უელსის სამიტის პაკეტის იმპლემანტაციის პროცესს NATO-ს ექპერტთა ჯგუფი დააკვირდება- ჯანელიძე

პოლიტიკა - 14:31, 08 Apr, 2015

1023

პარლამენტის თავდაცვის კომიტეტის სხდომაზე მიწვეულმა თავდაცვის მინისტრმა ნატო- საქართველოს ურთიერთობებზე და უელსის სამიტზე მიღებული პაკეტის იმპლემენტაციის პროცესზე ისაუბრა. მინდია ჯანელიძის თქმით, გაზაფხულის ბოლოს, საქართველოში ნატო-ს ექსპერტთა მუდმივი ჯგუფი იქნება, რომელიც უელსის სამიტზე მიღებული პაკეტის იმპლემანტაციის პროცესს დააკვირდება. NATO-ს ექპერტთა ჯგუფს ნატოს წევრი ქვეყნები დააკომპლექტებენ

„უელსის სამიტზე მიღებული გადაწყვეტილება ძალიან მნიშვნელოვანი მოვლენა იყო. პაკეტის მიზანია, კიდევ უფრო მეტი ინტეგრაცია ნატო-ში. დოკუმენტი კონფიდენციალურია და ვრცლად ვერ ვისაუბრებ“, - განაცხდა მინისტრმა.
ჯანელიძის განცხადებით, ნატოს ე.წ. ჯგუფს ჩამოსაყალიბებლად აქტიური მოქმედებები მიმდინარეობს

„ყველა პროექტს თავის ლიდერი ეყოლება. ვიცით, რომელ პროექტზე რომელი ქვეყანა გამოყოფს ლიდერს არსებული პაკეტის ინიციატივის განსახორციელებლად. NATO-ს ჯგუფის დაკომპლექტების მიზნით, NATO-სთან აქტიური მუშაობა მიმდინარეობს“, - განაცხადა ჯანელიძემ.

თავდაცვის უწყების ხელმძღვანელის თქმით საქართველოში უკვე იმყოფებოდა ორი შეფასების ჯგუფი, რომელთაც ქვეყნის შესაძლებლობები შეისწავლეს.