რუსეთის საგარეო საქმეთა მინისტრის მოადგილის, გრიგორი კარასინის განცხადებით, ე.წ. ხელშეკრულება ალიანსისა და ინტეგრაციის შესახებ, რომელსაც ცოტა ხნის წინ მოეწერა ხელი, 2008 წლის შემდეგ სამხრეთ ოსეთთან გაფორმებული 85-ე ორმხრივი ხელშეკრულებაა. ხოლო აფხაზეთთან, სხვადასხვა სფეროში, მათ შორის თავდაცვისა და უსაფრთხოების საკითხებზე, რუსეთს კიდევ უფრო მეტი ხელშეკრულება აქვს გაფორმებული.

„ მინდა ყურადღება გამახვილდეს იმაზე, რომ სამხრეთ ოსეთსა და აფხაზეთში რუსული სამხედრო ბაზები არსებობს. ესენი ჩვენი მოკავშირე, მეგობარი სახელმწიფოები არიან. ის ისტერიკა კი, რომელიც საქართველოსა და დასავლეთში, სამოკავშირეო ხელშეკრულების გაფორმებამ გამოიწვია, არის მცდელობა - რეგიონალური სიტუაცია 2008 წლის ომის დროს არსებულ ვითარებას დაუბრუნდეს“ - განაცხადა კარასინმა.

მისივე თქმით, მოსკოვი ვერ დაუშვებს, თბილისმა მუდმივად ეჭვქვეშ დააყენოს, მათი (აფხაზეთი და ე.წ. სამხრეთ ოსეთი) მხრიდან რუსეთთან ურთიერთობის გაფართოებისა და განვითარების შესაძლებლობა.

კარასინის განცხადებით, გასული წლების განმავლობაში შემუშავებულ იქნა ინციდენტების თავიდან აცილების მექანიზმები, მიმდინარეობს რეგულარული შეხვედრები ჟენევაში, სადაც საქართველოს, აფხაზეთისა და სამხრეთ ოსეთის წარმოამდგენლების მიერ, რუსეთის, ამერიკელებისა და საერთაშორისო თანათავმჯდომარეების დასწრებით, ერთმანეთის პირისპირ ისეთი პრობლემური თემების განხილვა მიმდინარეობს, როგორიცა სასაზღვრო და კულტური მემკვიდრეობის საკითები, და ადმინისტრაციული სამართალდარღვევების აღმოფხვრის გზები და სხვა მრავალი.

„ერთი სიტყვით, ვმსჯელობთ პრობლემებზე, რომლებიც მშვიდობიან თანაცხოვრებს უშლის ხელს. დარწმუნებული ვარ, თუკი ამას მშვიდად გავაგრძელებთ, ადრე თუ გვიან საქართველოს ურთიერთობა აფხაზეთსა და სამხრეთ ოსეთთან კონსტრუქციული გახდება. და ეს რუსეთისთვისაც კარგი იქნება“- აღნიშნა რუსმა დიპლომატმა.

ხატია ლაღიძე