პარლამენტში თავდაცვის ყოფილი და მოქმედი მინისტრები შესაძლოა პირისპირ აღმოჩნდენ

პოლიტიკა - 09:39, 08 Apr, 2015

1346

თავდაცვვის მინისტრი მინდია ჯანელიძე, პარლამენტში თავდაცვისა და უშიშროების კომიტეტის სხდომაზე საფრანგეთში გაფორმებული მემორანდუმისა და ე.წ კაბელების საქმეზე სასაუბროდ დაიბარეს.
არ არის გამორიცხული ჯანელიძე და ალასანია ერთმანეთის პირისპირაც აღმოჩნდნენ, რადგან პარლამენტში შესაძლოა თავდაცვის ყოფილი მინისტრიც მივიდეს. ჯანელიძე კომიტეტის წინაშე დღეს წარსდგება, სხდომა სავარაუდოდ დახურულ რეჟიმში გაიმართება. "თავისუფალი დემოკრატები" მინისტრისგან პოლიტიკურ ნაწილთან დაკავშირებთ საჯარო განმარტებებს მოითხოვენ.

„მინისტრი გააკეთებს მოხსენებას, თუ დეპუტატებს გაუჩნდებათ ისეთი კითხვები, რომლებიც განეკუთვნებიან საიდუმლოებას, ამაზე რა თქმა უნდა ღიად ვერ ვისაუბრებთ, თუკი ბატონ ალასანიას ამ ხელშეკრულებასთან დაკავშირებით გული შესტკიოდა შეეძლოა მინისტრთან გაევლო კონსულტაციები ან ჩემგან მიეღო ინდფორმაცია, დარწმუნებული ვარ ამ შემთხვევაში ალასანია ამ საკითხთან დაკავშირებით ღიად აღარ ისაუბრებდა“,- განაცხადა თავდაცვის და უშიშროების კომიტეტის თავმჯდომარემ ირაკლი სესიაშვილმა.

კანონმდებლები მინისტრს საკადრო გადაადგილებებზე, ნატოს სასწავლო ცენტრის მშენებლობასა და ნატო-საქართველოს არსებითი პაკეტის განხორციელების შესახებაც დაუსვამენ კითხვებს

ჯანელიძე პარლამენტში თავისუფალი დემოკრატების ინიციატივით მიდის.