ისევ მუშაობს თუ არა ვალერიან ზუმბაძე თავდაცვის უწყებაში

პოლიტიკა - 21:24, 07 Apr, 2015

2224

მედიაში გავრცელებულ ინფორმაციას, იმასთან დაკავშირებით, რომ თავდაცვის სამინისტროს ყოფილი მაღალჩინოსანი ვალერიან ზუმბაძე თავდაცვის სამინისტროს კუთვნილი ავტომობილით სარგებლობს და უწყებაში ისევ დადის, თავად სამინისტრო გამოეხმაურა.უწყების ინფორმაციით, ვალერიან ზუმბაძე თავდაცვის სამინისტროს მოქმედი თანამშრომელი არ არის.

„ვალერიან ზუმბაძე თავდაცვის სამინისტროს მოქმედი თანამშრომელი არ არის. მას შემდეგ, რაც მან გადადგომასთან დაკავშირებით განცხადება დაწერა და ავტომატურად გადავიდა კადრების განკარგულებაში, შესაძლებელია, რამდენჯერმე იმყოფებოდა სამინისტროში, რაც უკავშირდებოდა მისი ფუნქცია-მოვალეობების გადაბარების პროცესს“,- აცხადებენ თავდაცვის სამინისტროში.

უწყების ცნობით, ვალერიან ზუმბაძე ამჟამად არ სარგებლობს თავდაცვის სამინისტროს ავტომობილით. აღნიშნული ავტომობილით, მათივე ცნობით, სარგებლობს სხვა პირი, თავდაცვის სამინისტროს ერთ-ერთი მოქმედი თანამშრომელი.

ოფიციალური დოკუმენტების თანახმად საქართველოს თავდაცვის მინისტრის, მინდია ჯანელიძის ბრძანებით, ვიცე- პოლკოვნიკი ვარლამ ზუმბაძე გენერალური ინსპექციის უფროსის ყოფილი მოადგილის თანამდებობიდან 2015 წლის 12 თებერვალს გათავისუფლდა და კადრების განყოფილებაში იქნა გადაყვანილი.