შენიშვნები სერიოზულია- "ქართული ოცნება" ლევან ყიფიანის საკითხს განიხილავს

პოლიტიკა - 14:11, 07 Apr, 2015

1239

საპარლამენტო უმრავლესობას სპორტის და ახალგაზრდობის სამქეთა მინისტრთან კვლავ შეკითხვები აქვს. დღეს, „ქართული ოცნების“ ფრაქციის სხდომაზე განსახილველი ერთერთი მთავარი საკითხი ლევან ყიფიანის საქმიანობა იქნება. სხდომაზე სპორტის და ახალგაზრდობის კომიტეტის მიერ მომზადებულ დასკვნას განიხილავენ, სადაც სამინისტროს საქმიანობაში დაფიქსირებულ ხარვეზებზეა საუბარი.

სპორტის კომიტეტის თავმჯდომარის მოადგილე შოთა ხაბარელი აცხადებს, რომ კომიტეტის მიერ მომზადებულ დასკვნაში საუბარია ინფრასტრუქტურასა და სამინისტროს კადრებზე.

„გაცემულია პასუხი, დასკვნა დადებულია, ყველაფერი წერია იქ და შეგვიძლია პირდაპირ დამატებით გავცეთ პასუხი. საუბარი არა მხოლოდ სპორტის სახეობაზეა, არამედ საერთოდ მასობრიობაზე, ინფრასტრუქტურაზე და კადრებზეა საუბარი, მთელი 70% დეფიციტია პროფესიონალი კადრების ქვეყანაში. არ მოხდა კადრების გადამზადება, მომზადება, ტრენინგები ამასთან დაკავშირებით და სხვა უამრავი საკითხია განსახილველი“,-განაცხადა შოთა ხაბარელმა.

უმრავლესობის წევრმა გია ვოლსკიმ ამ საკითთან დაკავშირებით კომენტარი გააკეთა და აღნიშნა, რომ ეს სამუშაო პროცესია, მაგრამ ამავე დროს კომიტეტის მიერ მომზადებულ დასკვნაში სერიოზული შენიშვნებია დაფიქსირებული.

„შენიშვნები საკმაოდ სერიოზულია. ზოგ შენიშვნას ეთანხმება ლევან ყიფიანი და მთავრობა, ზოგ შენიშვნას არ ეთანხმება, ზოგ საკითხებზე დაწყებული აქვს მუშაობა. ასე რომ ეს არის სამუშაო პროცესი, რომელიც მუდმივად იქნება და ჩვენ არ გვინდა იმის გამო, რომ რაღაც პოლიტიკურ ოპონენტებს არ მივცეთ საუბრის თემა, ამის გამო დავაკლოთ საქმიანი ურთიერთობა და თუნდაც შენიშვნები“,-განაცხადა გია ვოლსკიმ.

შეგახსენებთ , რომ ფრაქცია „ქართული ოცნების“ სხდომა დღეს კაჭრეთში იმარეთება.