ზვიად ჯანყარაშვილმა ირაკლი კორძაიას წინააღმდეგ საქალაქო სასამართლოში სარჩელი შეიტანა.

ის ასევე, „ქრონიკა+“-ის მთავარ რედაქტორის ელისო კილაძის წინააღმდეგაც გეგმავს სარჩელი შეტანას.

როგორც ჯანყარაშვილის ადვოკატმა დიმიტრი გაბუნიამ განაცხადა, ზვიად ჯანყარაშვილი კორძაიასგან კომპენსაციის სახით 5 ათას ლარს და ბრალდების უარყოფას ითხოვს.

ირაკლი კორძაია ხარძიანის მკვლელობაში გია უდესიანს ადანაშაულებს. მისი თქმით, უდესიანის შესახებ არსებობს არაერთი ჟურნალისტური გამოძიება, რომლის მიხედვითაც იკვეთება, რომ ის მრავალპროფილიანი სისხლის სამართლის დამნაშავეა, თუმცა, კორძაიას თქმით, არ არსებობს გამოძიება, რადგან უდესიანს ლაშა ნაცვლიშვილი და ზვიად ჯანყარაშვილი მფარველობენ.