თბილისის მერის - დავით ნარმანიას საკრებულოში მისვლამდე,ერთი დღით ადრე, ერთიანი ნაციონალური მოძრაობის წევრებმა ბრიფინგი გამართეს, სადაც მერი კორუფციასა და უმოქმედობაში დაადანაშაულეს.

საუბარი დავით ნარმანიას საქმიანობას შეეხო, მათი განმარტებით თბილისის მერიამ გასულ წლებთან შედარებით ორჯერ მეტი დახარჯა.

"მათ მიაჩნიათ, რომ ჩაიბარეს დანგრეული თბილისი და თბილისი დღეს გუგუნებს. გასცა ეს თანხები ავანსებად, დახარჯა ეს თანხები ტენდერების გარეშე. ამ თანხების დიდი ნაწილი არის გაფლანგული და მითვისებული და თბილისელებს არაფერი სასიკეთო ამ თანხების დახარჯვიდან არ შერჩენიათ. აქედან გამომდინარე, ჩვენი მთავარი შეკითხვა ნარმანიას მიმართ იქნება, რაში ხარჯავს ის თბილისელების ფულს," - აცხადებს ირაკლი აბესაძე.