ეუთოს დემოკრატიული ინსტიტუტებისა და ადამიანის უფლებათა დაცვის ოფისის დირექტორმა - მაიკლ ჯორჯ ლინკმა წეროვანის ლტოლვილთა დასახლება და საოკუპაციო ხაზის გასწვრივ მდებარე სოფელი ხურვალეთი მოინახულა.

მაიკლ ჯორჯ ლინკი ადგილობრივ მოსახლეობას გაესაუბრა. მან ყურადღება სოფელში არსებულ მძიმე ჰუმანიტარულ და სოციალურ მდგომარეობაზე გაამახვილა. იგი ვიზიტის ფარგლებში უკვე შეხვდა საქართველოს საგარეო საქმეთა მინისტრს. დაგეგმილია კონსულტაციები თეა წულუკიანთან.

მაიკლ ჯორჯ ლინკი: „საოკუპაციო ხაზის მონახულებამ ძლიან ძლიერი და ნეგატიური შთაბეჭდილება მოახდინა ჩემზე, ის ფაქტი, რომ მავრთულ-ხლართები ეგრეთ წოდებულ საოკუპაციო ხაზის პერიმეტრის წინ არის აღმართული, სრულიად შემაშფოთებელია, ჩვენი როლია შევახსენოით შესაბამის მხარეებს თავისუფალი გადაადგილების მნიშვნელობაზე, როგორც ადამიანის ერთ-ერთ ფუნდამენტალურ უფლებაზე. აფხაზეთის და ცხინვალის რეგიონი საქართველოს განუყოფელი ნაწილებია, ამიტომ აღნიშნული რეგიონების თაობაზე ჩვენ კომუნიკაცია სწორედ საქართველოსთან გვაქვს და არა სეპარატისტებთან, რადგანაც მათ ჩვენ არალეგიტიმურად მივიჩნევთ.“