საქართველოს იუსტიციის მინისტრმა, თეა წულუკიანმა - „არასრულწლოვანთა მართლმსაჯულების კოდექსის“ ახალი პროექტი წარადგინა, რომელსაც ადამიანის უფლებათა დაცვის კომიტეტმა ერთხმად დაუჭირა მხარი.

თეა წულუკიანის განცხადებით, კოდექსის პროექტზე მუშაობა ორი წლის განმავლობაში მიმდინარეობდა და დოკუმენტში ასახულია, საქართველოს მოქმედი ხელისუფლების ნება, რაც ბავშვთა უფლებების მეტად დაცვას გულისხმობს. მინისტრის თქმით, ახალი კოდექსით შემოთავაზებული მართლმსაჯულება, არასრულწლოვნებს გამოსწორებისა და ახალი ცხოვრების შანსს მისცემს.

თეა წულუკიანმა, ასევე იმ სიახლეებზე ისაუბრა, რომელიც მართლმსაჯულების პროცესში სპეციალიზებული მოსამართლეების და პროკურორების ჩართულობას ითვალისწინებს.

წარმოდგენილ კოდექსთან დაკაავშირებით, მოსაზრებები და შეფასებები დააფიქსირა უზენაესი სასამართლოს თავმჯდომარე - ნინო გვენეტაძემ, საქართველოში იუნისეფის წარემომადგენელმა და ასევე პარლამენტის სხვა წევრებმა. განხილვის პროცესში, სამოქალაქო საზოგადოების წარმომადგენლებიც მონაწილეობდნენ.