აშშ-ის სამხედრო უწყების 2016 წლის ბიუჯეტის პროექტში, უკრაინის დასახმარებლად, თანხები არ არის გათვალისწინებული.

ამის შესახებ ინფორმაციას, „ამერიკის ხმა“ სამხედრო ბიუჯეტის პროექტის ანალიტიკური განხილვის შედეგად წერს.

პენტაგონის ბიუჯეტში, უკრაინისა და ბალტიისპირეთის ქვეყნების დასახმარებლად დაანონსებულ 175 მილიონი დოლარის გამოყოფაზე არაფერია ნათქვამი.

პროექტის მიხედვით, ძირითადი აქცენტი სამხედრო წვრთნებზეა გამახვილებული. საერთო ჯამში, აშშ-ის სამხედროების როტაციის, მათი აღჭურვილობისა და ევროპის ქვეყნებში წვრთნების ჩასატარებლად, 2016 წლის ბიუჯეტში 460 მილიონი დოლარია გამოყოფილი, გასული წლის ბიუჯეტზე 60 მილიონით მეტი.

ხატია ლაღიძე