თავდაცვის მინისტრი მინდია ჯანელიძე გია უდესიანის მიერ „საიდუმლო დანაყოფებზე“ გაკეთებულ განცხადებას ეხმაურება და ამბობს, რომ არ იცის რაზე საუბრობს უდესიანი.

ჯანელიძემ ჟურნალისტებს ურჩია, აღნიშნულ საკითხზე დაინტერესების შემთხვევაში სამინისტროს წერილობით მიმართონ.

„თუ ეს საიდუმლო დაჯგურფებაა, ბუნებრივია, მაშინ ამაზე ვერ გაგცემთ პასუხს. თუ გადმოგვიგზავნით თავდაცვის სამინისტროს შეკითხვის ზუსტ ფორმულირებას კანონით დადგენილი გზით, იქნება პასუხი. ვერ გეტყვით, რა დაჯგუფებაზე საუბრობს უდესიანი“, - განაცხადა მინდია ჯანელიძემ.

გია უდესიანის განცხადებით, ის წინა ხელისუფლების პერიოდში ხელმძღვანელობდა საიდუმლო დანაყოფს, რომელსაც თავდაცვისა და უშიშროების წარმომადგენლები წვრთნიდნენ.