„ნაციონალური მოძრაობის“წევრები პოლიციელებისთვის უფლებამოსილების გაზრდასთან დაკავშირებით შინაგან საქმეთა სამინისტროს ინიციატივას ეხმაურებიან.

პარტიის წევრის აკაკი მინაშვილის თქმით, კანონში ცვლილება ქვეყანაში კრიმინალურ ვითარებას ვერ გამოასწორებს.

„ხელისუფლებას სურს ივანიშვილის ხელმძღვანელობით, რომ წინა პლანზე წამოიწიოს კრიმინალი, ორგანიზებული დანაშაული, რომ მათ ჰქონდეთ გარკვეული პრივილეგიები და პოლიცია იყოს უკანა ხაზზე გადმოწეული. კანონში ცვლილებები არის გარკვეული მცდელობა, რომ თვალი აუხვიონ საზოგადოებას. როდესაც კალაძე წითელი ხალიჩებით აცილებს კანონიერ ქურდებს და ქალბატონი ბესელია, ბატონი ფოფხაძე მძიმე დანაშაულში მსჯავრდებულებს ამნისტიით უშვებს გარეთ, კანონში ცვლილებები, გარკვეული მცდელობაა, რომ კიდევ ერთხელ მოატყუონ საქართველოს მოქალაქეები," - აცხადებს მინაშვილი.

კრიმინალთან უკეთ ბრძოლისთვის შინაგან საქმეთა სამინისტრო პოლიციელების უფლებამოსილების გაზრდას მოითხოვს. ამის შესახებ მინისტრის მოადგილემ ლევან იზორიამ განაცხადა. მისი თქმით, შესაბამისი საკანონმდებლო ცვლილებების მომზადება უახლოეს ხანებში მოხდება.