მე ვიქნები ადამიანი ვინც გია უდესიანს დააჭერინებს- მიქიაშვილი

პოლიტიკა - 13:14, 06 Apr, 2015

2152

დღეს, გია უდესიანის წინააღმდეგ პროკურატურაში ჟურნალისტი ნათია მიქიაშვილი სარჩელის შეტანას გეგმავს. მიქიაშვილის თქმით, 2011 წელს, როდესაც იგი ბესიკ ხარძიანის დაკავების შესახებ გადაცემას ამზადებდა, გადასაღებად მისული "ანატომიის" ოპერტორები გია უდესიანმა დააკავა და მათ იარაღით ემუქრებოდა.

"მე დღესაც ვთვლი, რომ ბესო ხარძიანის მკვლელობით შესაძლებელია დაინტერესებული ყოფილიყო მხოლოდ გია უდესიანი, რაც შეეხება ჩემს წინააღმდეგ გამოთქმულ ბრალდებას, სასაცილოა გია უდესიანის, კუთხეშიმომწყვდეული დამფრთხალი ადამიანის ბრალდება, რადგან 2011 წლის ივლისში, მაშინ როდესაც მე მოვამზადე უდესიანზე გადაცემა, ჩემ მეუღლეს არათუ არ ვიცნობდი, საერთოდ ნანახი არ მყავდა.

მე ვიყავ პირველი ჟურნალისტი, ვინც დეტალურად მოყვა ხარძიანის დაკავების შესახებ, უდეისანი მაშინ ერთი კვირის განმავლობაში კუს ტბის ტერიტორიაზეც კი არ ამოდიოდა, იმის შიშით, რომ მე მისთვის კითხვები არ დამესვა, ყველაზე მნიშვნელოვანი არის ის, რომ უდესიანს, ჩემი ორი ოპერატორი ჰყავდა დატყვევებული, უკანონოდ ჰქონდათ მათ თავისუფლება აღკვეთილი. იგი იარაღით ემუქრებოდა მაშინ ჯერ კიდევ არასრულწლოვან ოპერატორებს, რომ ეთქვათ თუ რისთვის იყვნენ მის ოფისში მისულები და რა ინტერვიუ უნდა ჩაეწერათ.

ნამდვილად მივდივარ პროკურატურაში და ვაძლევ ჩვენებას უდესიანის წინააღმდეგ, რომ დაიწყოს გამოძიება, ამ ამბის დადასტურება არ გაჭირდება, რადგან ის ორი ოპერატორი დღესაც მუშაობს და ისინიც დაიკითხებიან, მე ვიქნები ადამიანი, ვინც უდესიანს დააჭერინებს."-განაცხადა ნათია მიქიაშვილმა.

გია უდესიანმა გუშინ, პროკურატურას ჟურნალისტ ნათია მიქიაშვილის და მისი მეუღლის დაკითხვისკენ მოუწოდა. უდესიანის თქმით, ბესიკ ხარძიენის დაკავების ჯგუფს, ნათია მიქიაშვილის მეუღლე, სოსო მესხი ხელმძღვანელობდა და მათ ამ საქმის შესახებ ინფორმაცია აქვთ.