დღს, მარტვილის რაიონის სოფელ ქვაითის მოსახლეობა მარტვილის რაიონის გამგებლის, ალექსანდრე გრიგოლავას კაბინეტში შეიჭრა. აქციის მონაწილეების პროტესტის მიზეზი სოფელ ქვაითში გზაზე არსებული რთული მდგომარეობა გახდა.

აქციის მონაწილეებმა „ნიუპსტთან“ საუბრისას განაცხადეს, რომ სოფლის გზის შესაკეთებლად გამოცხადებულ ტენდერში ერთერთმა კომპანიამ გაიმარჯვა, რომელმაც გზის შესაკეთებლად სამუშაოები დაიწყო, მაგრამ მარტვილის რაიონის გამგეობამ სამუშაოების მიმდინარეობა შეაჩერა. აქციის მონაწილეები რაიონის გამგებლისგან ითხოვდენნ პასუხს, თუ რა გახდა სარემონტო სამუშაოების შეჩერებს მიზეზი, რაზეც გამგებელს კონკრეტული პასუხი არ გაუცია.

სოფელ ქვაითის მაცხოვრებლები აცხადებენ, რომ გზაზე არსებული რთული მდგომარეობის გამო სოფლამდე მისვლა რთულია, ხოლო უამინდობის შემთხვევაში, გზაზე მოძრაობა ფაქტიურად შეუძლებელი ხდება. მოსახლეობის თქმით უამინდობის დროს ყოფილა შემთხვევა, როდესაც გამოძახებული სასწრაფო სამედიცინო სამსახურის მანქანა ავადმყოფის სახლამდე ვერ მისულა.

მარტვილის გამგებელმა განაცხადა, რომ უახლოეს მომავალში ჩატარდება ტენდერი და კომპანია, რომელიც გზის რეაბილიტაციას განახორცილებს, სამუშაოებს მალევე შეუდგება.