,,ეს არის ნაციონალური მოძრაობის ხელწერა“ - ივანიშვილი ხარძიანის მკვლელობაზე

პოლიტიკა - 23:12, 05 Apr, 2015

2630

ბიზნესმენ ბესიკ ხარძიანის მკვლელობაზე ისაუბრა ბიძინა ივანიშვილმა გადაცემა "კვირის 2030"-ში. ყოფილი პრემიერის შეფასებით, ეს არის ნაყოფი ,,ნაციონალური მოძრაობის“ მიერ დანერგილი სისტემისა. ,,ეს არის ნაციოანლური მოძრაობის ტიპიური ხელწერა“ - აცხადებს ივანიშვილი.

ექსპრემიერის თქმით, წინა ხელისუფლებამ უამრავი ქონება მიიტაცა და ,,დღეს ხდება სისხლისღვრა მისი დაცვისთვის“.

"ვერსია ერთია – სათავე ბოროტებისა იყო იმ სისტემაში. ეს სისტემა ნერგავდა ამას ყველაფერს და აღვივებდა. ჩუქება, ქონების გადაფორმება, ჯერ ბესიკის დაპატიმრება რა ფორმით მოხდა, ნახეთ, ძალით გააღებინეს პირი და ნარკოტიკები ჩაუყარეს. ეს კატასტროფაა, რომელი საუკუნეა, ასეთი ძალადობა სახელმწიფოს მხრიდან არ ვიცი, უახლოეს ასწლეულებში შეიძლება ვერც კი გაიხსენოთ. ათი ათასობით ქონება გადაფორმებული და სამართლიანობის მასიური აღდგენა, რასაც ითხოვს ჩვენი საზოგადოება და ითხოვდა არჩევნების პროცესში, სწორედ ეს გახლავთ. ეს არის ეტალონი, როგორ დასაჯეს და გაგრძელება არის კატასტროფული. ეს სისტემა იყო, რომელიც ამას ნერგავდა და ეს არის ამის ნაყოფი. გამოძიება როგორც არ უნდა გაგრძელდეს და რა თქმა უნდა, ყველაფერი უნდა გააკეთოს პროკურატურამ, რომ დამნაშავეები დაისაჯონ, მთავარია დამკვეთები ვინ არიან, მაგრამ მთავარი დამკვეთი ამის გახლდათ ის ძალადობრივი სისტემა, რომელიც დაინერგა "ნაციონალური მოძრაობის" დროს", - განაცხადა ბიძინა ივანიშვილმა.