,,ვარკეთილში პოლიციელის მკვლელობა ხელისუფლების პოლიტიკის გამოძახილია“

,,ვარკეთილში პოლიციელის მკვლელობა ხელისუფლების პოლიტიკის გამოძახილია“ - ,,ენმ“ პოლიციელის მკველობას ეხმაურება

პოლიტიკა - 15:31, 05 Apr, 2015

2430

ვარკეთილში მოკლული პოლიციელის ოჯახს მიუსამძიმრეს ,,ერთიანი ნაციონალური მოძრაობის“ წევრებმა. ქვეყანაში შექმნილ კრიმინოგენულ ვითარებასთან დაკავშირებით ერთობლივი ბრიფინგი გამართეს პარტიის ოფისში პარტიის ერთ-ერთმა ლიდერმა სერგო რატიანმა და ,,ერთიანი ნაციონალური მოძაობის“ სამაგერელოს რეგიონული ორგანიზაციის წარმომადგენელმა თენგიზ გუნავამ.

,,იმ ფონზე როცა ქვეყანაში კრიმინალური ვითარება დაძაბულია, როცა პოლიციელებს ვერ იცავს სახელმწიმფო და მერამდენე შემთხვევაა უკვე პოლიციელის მკვლელობის, მთავრობას, რომელმაც გარიგება მოახდინა ქურდებთან და კრიმინილათან დროა რომ წავიდეს“ - განაცხადა გუნავამ.

როგორც სერგო რატიანმა განაცხადა, ვარკეთლში მომხდარი მკვლელობა გამოძახილია იმ პოლიტიკისა, რომელსაც ხელისუფლება კრიმინალებტან მიმართებაში ატარებს.

,,ესეთი ფაქტები შედეგია "ქართული ოცნების" ხელისუფლების ორ წლიანი პოლიტიკისა, როდესაც არა მხოლოდ გაათავისუფლეს გაუმართლებლად კრიმინალები, არამედ პოლიტიკური გარიგება მოხდა კრიმინალებთან და გმირებად აქციეს ისინი, ეს არის შედეგი იმისა, რომ სპეცრაზმელები არიან ციხეში და მათი დევნა ხდება"-განაცხადა სერგო რატიანმა. მისი თქმით, მიუხედავად იმისა, რომ პოლიციელები 24 საათის განმავლობაში მუშაობენ, ეს ვერ უშველის იმ სიტუაციას, როცა ხელისუფლება ქურდებს აეროპორტში აცილებს. ,,კრიმინალური სიტუაცია ვერ გამოსწორდება თუ არ იქნება გზავნილი, რომ კრიმინალები ჩვენი საზოგადოების მტრები არიან, რაც 2 წლის განმავლობაში არ მოხდა, არამედ ხდება პირიქით“ - განაცხადა სერგო რატიანმა და ქართული ოცნების მხარდამჭერის ის განცხადება გაიხსენა, რომელიც ბოკუჩავამ გადაცემა ,,რეაქციაში“ გააკეთა, რომ ,,ალბათ ის პოლიციელი მოსაკლავი იყო...“