,,სინდის-ნამუსზე ხელჩაქნეული“ ,,უზრდელი“ ,,დედიკოს ბიჭები“

,,სინდის-ნამუსზე ხელჩაქნეული“ ,,უზრდელი“ ,,დედიკოს ბიჭები“ - დაპირისპირება რუსთავი 2-ის ეთერში

პოლიტიკა - 23:29, 04 Apr, 2015

5185

არ მეგონა თუ ზვიად ძიძგური ასე ჩაიქნევდა ხელს სინდისზე და ნამუსზე - ასე უპასუხა ,,თავისუფალი დემოკრატების“ გენერალურმა მდივანმა ალექსი პეტრიაშვილმა ,,კურიერის“ ეთერში ზვიად ძიძიგურს საიდუმლო ინფორმაციის გამჟღავნებასთან დაკავშირებულ ბრალდებაზე.

,,არ მეგონა ზვიად ძიძიგური თუ ასე ჩაიქნევდა ცხოვრებაზე ხელს ვიცესპიკერობისთვის, ჩემთვის წარმოუდგენელი იყო. მას არცთუ ისე მარტივი ცხოვრების გზა აქვს გამოვლილი და თავადაც პოლიტპატიმარი იყო. მინდა შევაქო, ყოჩაღ ზვიად, კარგად წამოწიე ეს თემა. ჩაუჯექით შენ და არაფორმალური მმართველი ბიძინა ივანიშვილი და უყურეთ ერთად რამდენი საიდუმლოება გათქვა ბიძინა ივანიშვილმა თავის ინტერვიუში. ერთად გაიარეთ და მერე დაანამუსე და დაასირცხვილე ბიძინა ივანიშვილი, შენ, კონკრეტულად. ჩვენ რომ კიდევ დიდხანს ვყოფილიყავით და ეს არ მოემოქმედათ, კიდევ უფრო შორს წავიყვანდით საქართველოს ევოკავშირსა და ნატოში ინტეგრაციის თვალსაზრისით და ვინ როგორ იჭიკჭიკებდა ევრაზიულ კავშირში შესვალსთან დაკავშირებით, მაგას მერე განახებდით უმრავლესობას“ - მიმართა ალექსი პეტრიაშვილმა ზვიად ძიძიგურს.

,,უზრდელი“ და ,,დედიკოს ბიჭები“ - ასე უპასუხა ზვიად ძიძიგურმა ალექსი პეტრიაშვილის განცხადებას.

,,ყოფილმა მინისტრმა ძალიან იუზრდელა... ბუკა პეტრიაშვილს ეტყობა გულში მოხვდა რაც ვილაპარაკე და სწორადაც მილაპარაკია. კიდევ ერთხელ მინდა მოვუწოდო პეტრიაშვილსაც, ალასანიასაც, ფანჯიკიძესაც და სხვებსაც - ნუ გადააყოლებთ საქართველოს თქვენს ვიწყოპარტიულ პატარა ინტერესებს. ჩემს მიმართ ცუდი სიტყვები და ბრალდებები დედიკოს ბიჭებისგან არ მესწავლება, სად და როგორ უნდა მოვიქცე. სადაც არ უნდა ვიყო ჩემი ქვეყნის ინტერესების წინააღმდეგ არ წავალ. უსინდისობაა, როცა ბიძინა ივანიშვილს ლანძღავენ, მათი ხელისუფლებაშ მოსვლა და გამინისტრება ყველაფერი ივანიშვილის დამსახურება იყო“ - განაცხადა ზვიად ძიძიგურმა.