,,ვინ მოსთხოვა წულუკიანს სავიზო შეზღუდვები?“ - ოპოზიცია მინისტრისგან განმარტებას ითხოვს

პოლიტიკა - 17:03, 03 Apr, 2015

1201

ევროკავშირისგან სავიზო წესების გამკაცრებასთან დაკავშირებულ რეგულაციებზე ,,ნაციონალურ მოძრაობას“ იუსტიციის მინისტრთან კითხვები აქვს. გიორგი ვაშაძის თქმით, იუსტიციის სამინისტროს წარმომადგენელი, ევროპასთან ინტეგრაციას აბრალებს, მათი ქვეყნის წარმომადგენლისთვის შეზღუდვების დაწესებას ევროკავშირის მოქალაქეების საქართველოში შემოსვლისთვის. ,,ეს არის მიზანმიმართული კამპანია და ეფესებ-ს მიერ დაფინანსებულ ჯგუფებს ხელს აძლევს, ისაუბრონ, რომ ევროპასთან ინტეგრაცია ხელს უშლის საქართველოს ეკონომიკის განვითარებას“ - აცხადებს ვაშაძე.

დეპუტატი იუსტიციის მინისტრს კონკრეტული პიროვნებების დასახელებას სთხოვს.

,,ვინ მოსთხოვა თეა წულუკიანს სავიზო რეგულაციების შემოღება ევროკავშირის წევრი მოქალაქეებისთვის, რომელმა ევროპელმა ლიდერმა, ან მიგრაციის ექსპერტმა მოითხოვა საქართველოს სახელმწიფოს მხრიდან ევროკავშირის წევრი მოქალაქებისთვის სავიზო შეღუდვების დაწესება. ეს არის ტყული, არაერთხელ მიმიღია მსგავსი ტიპის მოლაპარაკებებში მონაწიელობა და არცერთხელ არ შექმნია ევროკავშრის ქვეყნის მოქალაქეებს საქართველოში შემოსვლის პრობლემა, იუსტიციის სამინისტროს ამ გადაწყვეტილებით, მათ პრობლემა შეექმნათ და მოუწიათ საქართველოს ტერიტორიის დატოვება, ამიტომ დაგვისახელოს წულუკიანმა, რომელ ფორმატში უთხრეს, რომ ევროკავშირის წევრი მოქალაქეებისთვის უნდა გართულხეს მოქმედება“ - განაცხადა ვაშაძემ. მისი თქმით, ეს არის ჩრდილოელი ოკუპანტის გეგემები, რომ ევროპასთან ინტეგარციას ჰქონდეს ნეგატიური კონტექსტი. ვაშაძე აცხადებს, რომ საჭიროა დაბრუნდეს ის რეგულაციები, რომელიც 2012 წლამდე იყო, რათა ქვეყანაში გამარტივდეს უცხოელების შემოსვლა და მეტი ინვესიტიცების შემოდინება.