პრემიერ-მინისტრის თქმით, თავდაცვის ყოფილი მინისტრი ირაკლი ალასანია სახელმწიფობრივი საკითხებით სპეკულირებს.

ამის შესახებ ირაკლი ღარიბაშვილმა ჟურნალისტებთან საუბრისას განაცხადა.

თუმცა უპასუხოდ დატოვა შეკითხვა, მართლა განხორციელდა თუ არა მისი დავალებით სატელეფონო ზარი პარიზში.

„არ არის საინტერესო ეს ჩემთვის, ასეთ უპახისმგებლო განცხადებაზე მემგონი კომენტარი მე არ უნდა გავაკეთო. ეს არის ტყუილი. ვწუხვარ, რომ ასეთი სახელმწიფოებრივი საკითხებით სპეკულირება ხდება“, - განმარტა პრემიერმა.

მისი თქმით, კანონზე მაღლა არავინ დგას და ეს ყველამ უნდა გაიგოს.

„ჩვენ ვნერგავთ საერთაშორისო სტანდარტებს, რაც განვითარებულია დემოკრატიულ სამყაროში. სულ რამდნეიმე დღის წინ ამერიკის სენატის საგარეო ურთიერთობათა კომიტეტის თავმჯდომარის წინააღმდეგ იქნა ბრალი წარდგენილი. შესაბამისად ჩვენ მთავრობას აქვს გაცხადებული, რომ ჩვენ არავის დავაყენებთ კანონზე მაღლა, არავინ იქნება პრივილეგირებული, ყველამ უნ და გაიგოს არავინ დადგება კანონზე მაღლა“, - განაცხადა ღარიბაშვილმა.

„თავისაუფალი დემოკრატების“ ლიდერმა ირაკლი ალასანიამ მთავრობა თავდაცვით შესაძლებლობებზე უარის თქმაში დაადანაშაულა.