პრემიერ-მინისტრი კომპანია „RMG“-ის წინააღმდეგ მიმართულ ქმედებებს დივერსიად აფასებს და მიიჩნევს, რომ ამით სამართალდამცველები უნდა დაინტერესდნენ.

ირაკლი ღარიბაშვილის თქმით, კომპანიის მიმართ ადამიანების გარკვეულ ჯგუფს უპასუხისმგებლო დამოკიდებულება აქვს.

„გასულ წელს ბოლნისის რაიონი მთლიანად ცენტრალურმა ბიუჯეტმა დააფინანსა, რადგან კომპანია აბსოლუტურად პარალიზებული იყო. 3000 ოჯახის შენახვას მილიონობით ლარი სჭირდება. მე უბრალოდ მაინტერესებს, თუ აქვთ ამ ადამიანებს გააზრებული რამხელა პასუხისმგებლობას იღებენ საკუთარ თავზე. რა თქმა უნდა, მათ არც პასუხისმგებლობა გააჩნიათ და არც რისკი აქვთ გააზრებული, რომლის წინაშეც ეს 3 ათასი ოჯახი დგას. ეს არის ყოვლად უპასუხისმგებლო დამოკიდებულება და მე ვიტყოდი ანტისახელმწიფოებრივიც, ჩვენი მოქალაქეების წინააღმდეგ მიმართული ქმედება. რაც მოხდა ბოლნისის საწარმოსთან მიმართებაში დივერსიაა და ამით სამართალდამცავი ორგანოები უნდა დაინტერესდნენ ", -განაცხადა ღარიბაშვილმა.