ვიდრე პრემიერს უნდობლობას გამოვუცხადებთ, საკითხი პარლამენტმა უნდა შეისწავლოს

ვიდრე პრემიერს უნდობლობას გამოვუცხადებთ, საკითხი პარლამენტმა უნდა შეისწავლოს - ალასანია

პოლიტიკა - 12:27, 03 Apr, 2015

1761

თავდაცვის ყოფილი მინისტრის ირაკლი ალასნიას განცხადებით საჰაერო თავდაცვის შესაძლებლობები ხელს არა მარტო ქვეყნის უსაფრთხოების დაცვას, არამედ ეკონომიკის სტაბილურობასაც უწყობს ხელს. საქართველოს მთავრობამ კი ამ შესაძლებლობებზე თქვა უარი. აღნიშნული განცხადება „თავისუფალი დემოკრატების“ ლიდერმა დღეს გამართულ საგანგებო ბრიფინგზე გააკეთა:

„საჰაერო თავდაცვა, ანუ დაცული ცა არამხოლოდ უსაფრთხო ძილს ნიშნავს, არამედ ეს ნიშნავს იმას, რომ არის სტაბილური ეკონომიკური განვითარების შესაძლებლობა, არავინ, არცერთი ინვესტორი არ ჩადებს დიდ ფულს ჩვენს ქვეყანაში, თუკი მან არ იცის, რომ ეს ინვესტიცია იქნება დაცული, და თუკი მეზობელ ქვეყანას ნებისმიერ დროს შეუძლია შემოვიდეს და ხელი აფათუროს შენს საშინაო საქმეებში.“- აღნიშნა ირაკლი ალასანიამ.

ირაკლი ალასანიას განცხადებით „თავისუფალი დემოკრატები“ პარლამენტში შევლენ მოთხოვნით, რომ შეიქმნას დროებითი კომისია, რომელიც შეისწავლის თუ რა პირობებში და როგორ დაიდო მემორანდუმი საფრანგეთთან და რა დააკლდა ქვეყანას ამ მემორანდუმის პირობების არშესრულებით. როგორც ალასანია აცხადებს ამ საქმის შესწავლის შემდეგ საზოგადოებას გააცნობენ, თუ რეალურად რაშია საქმე: „ვიდრე პოლიტიკურ სრულ უნდობლობას გამოვუცხადებდეთ პრემიერ მინისტრს, მე მინდა ეს შესწავლა საქართველოს პარლამენტმა ჩაატაროს“ - განაცხადა ირაკლი ალასანიამ.