რა თავდაცვით და ეკონომიკურ შესაძლებლობებზე თქვა უარი საქართველოს მთავრობამ?

რა თავდაცვით და ეკონომიკურ შესაძლებლობებზე თქვა უარი საქართველოს მთავრობამ? - ალასანია

პოლიტიკა - 12:13, 03 Apr, 2015

1653

„თავისაუფალი დემოკრატების“ ლიდერმა ირაკლი ალასანიამ მთავრობა თავდაცვით შესაძლებლობებზე უარის თქმაში დაადანაშაულა.

საგანგებო ბრიფინგზე ალასანიამ დეტალურად ახსნა, თუ რა ტაქტიკური ოპერატიული საშუალებები განლაგდებოდა საქართველოში, თუ საფრანგეთთან თავდაცვის სფეროში ხელშეკრულების გაფორმება მოხდებოდა.

„ყველა სახის მოიერიშე თვითმფრინავი, ბომბდამშენი და ვერტმფრენი ჩვენს საჰაერო სივრცეში შემოუსვლის შესაძლებლობის გარეშე. კონტროლს ავიღებდით საჰაერო სუვერენიტეტზე და ჩვენ მოგვეცემოდა შეაძლებლობა გავმკლავებოდით ისეთ საფრთხესთან, როგორიც არის საშუალო და მოკლე სიშორის ბალისტიკური იარაღები და სხვა სარაკეტო სისტემები, რომელიც ჩვენს წინააღმდეგ არაერთხელ გამოიყენეს ჩვენმა მოწინააღმდეგეებმა. როდესაც სამინისტროში მივედი და დავიწყე თავდაცვით სტრატეგიაზე ზრუნვა პირველი გადაწყვეტილება იყო ის, რომ შეგვექმნა ისეთი საჰაერო თავდაცვითი სისტემა, რომელიც ჩვენს სახმელეთო ჯარებს მისცემდა შესაძლებლობას დაეცვა ხალხი აუცილებლობის შემთხვევაში. ჩვენ საჰაერო დომინირებიას ვერ მივაღწევთ რეგიონში, ეს უნარი ჩვენს ბიუჯეტს არც შესწევს. ჩვენ მხოლოდ გვინდა თავდაცვითი შესაძლებლობა და საჰაერო თავდაცვა იქნებოდა ის ქოლგა და მომავალშიც იქნება, რომელიც ეფექტური დაცვის შესაძლებლობებს გაუჩენს. ასევე ერთ-ერთი ნიშვნელოვანი მხარე შეთანხმების არის ის, რომ ეს მძიმედ არ დააწვებოდა ბიუჯეტს. ჩვენ გვქოდნა შეთანხმება, რომ გადახდას ქვეყანა მას შემდეგ დაიწყებდა რაც სრულად დაიწყებოდა სისტემის მონტაჟი. საჰაერო თავდაცვა არა მხოლოდ უსაფრთხო ძილს, არამედ ეკონომიური სტაბილუროიბის შესაძლებლობას ნიშნავს“, - განაცხადა ალასანიამ.