სპორტისა და ახალგაზრდობის საქმეთა მინისტრი ლევან ყიფიანი შოთა ხაბარელის ბრალდებას უსაფუძვლოს უწოდებს.

როგორც ის ამბობს, მას შეურაცხყოფა არავისთვის არ მიუყენებია, რისი გადამოწმებაც

„ეს ადამიანები პიროვნული ფაქტორებით ნუ იხელმძღვანელებენ. ჩვენ მზად ვართ და ანგარიშვალდებული ვართ შესაბამისი კომიტეტის წინაშე, მაგრამ ვერ მივიღებთ იმ კრიტიკას, რომელსაც აქეთ გვაბრალებენ. მე მოვითხოვ წარმოადგინონ იმ შეხვედრის სტენოგრამა ან ვიდეო მასალა, თუ რა დროს ვაკეთებდი მე შეურაცხმყოფელ განცხადებებს. ეს შეხვედრა გადაღებულია. მე ამ კრიტიკას ნამდვილად ვერ მივიღებ ყველა დანარჩენთან ერთად, რომელიც უსაფუძვლოდ არის გამოთქმული ჩვენს მიმართ“, - განაცხადა ყიფიანმა.

სპორტისა და ახალგაზრდობის საქმეთა კომიტეტის თავმჯდომარის მოადგილე შოთა ხაბარელი სპორტის მინისტრს ლევან ყიფიანს ურჩევს მშვიდად შეხვდეს კომიტეტის შენიშვნებს და გაითვალისწინოს ის.

„ჩვენ არც ერთხელ მის მიმართ შეურაცხმყოფელი განცხადებები არ გაგვიკეთებია, რასაც ვერ ვიტყვით მის გამოსვლებზე. ეს პირდაპირ გადასულია შეურაცხყოფაზე, ყველანაირ ეპითეტებს ხმარობს ჩვენს მიმართ“, - განაცხადა ხაბარელმა.