"შემოსავლები კი არ გადაჭარბდა, არამედ ვერ შესრულდა"- ენმ

პოლიტიკა - 17:13, 02 Apr, 2015

1001

მთავრობის სხდომაზე პრემიერ-მინისტრის მიერ გაკეთებულ განცხადებას "ერთიანი ნაციონალური მოძრაობა" ეხმიანება და აცხადებს, რომ ისედაც მძიმე მდგომარეობაში მყოფ მოსახლეობას, ირაკლი ღარიბაშვილმა მორიგი ტყუილი ამცნო, როდესაც განაცხადა, რომ „სახელმწიფო ბიუჯეტის ნაშთმა 643 მლნ. ლარი შეადგინა, რაც დაგეგმილზე 172 მლნ. ლარით მეტია“,
ენმ-ს განცხადებით პრემიერმა გრძელვადიანი დეპოზიტები და სახაზინო ობლიგაციებიც ბიუჯეტს მიათვალა "როდესაც ხაზინის ოფიციალური მონაცემებით ნაშთი შეადგენს 370 მლნ. ლარს და პრემიერმა რატომღაც კომერციულ ბანკში განთავსებული გრძელვადიანი დეპოზიტის თანხები მათ შორის 2014 წლის 172,8 მლნ. ლარი და მიმდინარე წლის 99,9 მლნ. ლარი, რომელიც სახაზინო ობლიგაციების გამოშვებით არის მიღებული (ანუ ნასესხები ფული) პირდაპირ მიათვალა ბიუჯეტის ნაშთს. გარდა ამისა პრემიერმა და ფინანსთა მინისტრმა ამაყად განაცხადეს, რომ საგადასახადო შემოსავლები უპრეცენდენტოთ გადაჭარბებით შესრულდა 48 მლნ. ლარის ოდენობით, მაგრამ მთავარი მიზეზი არ განმარტეს რომ აღნიშნული საგადასახადო შემოსავლები ვალუტის კურსის გაუფასურებისა და ქვეყნის მოსახლეობის მძიმე მდგომარეობაში ჩაყენების ხარჯზე არის მიღწეული. მხოლოდ ვალუტის კურსის გაუფასურებით ბიუჯეტმა სახადასახადო შემოსავლებში დაახლოებით 50 მლნ. ლარით მეტი შემოსავალი მიიღო და ამ თანხებს თუ გავითვალისწინებით შემოსავლები კი არ გადაჭარბდა, არამედ ვერ შესრულდა."- ნათქვამია "ნაციონალური მოძრაობის" განცხადებაში