გარემოს დაცვის სააგენტოში ლადოგეხის ნაკრძალის დირექტორზე მუქარის ფაქტს ეხმაურებიან. სააგენტოს თავმჯდომარე ნათია კობახიძე იმედოვნებს, რომ ფაქტს სამართალდამცველები დროულად გამოიძიებენ.

„გამოძიება დაწყებულია და იმედია დამნაშავე დროულად გამოვლიონდება და დაისჯება“, - ამბობს კობახიძე.

დღესვე ამ საკითხზე კომენტარი ნაკრძალის დირექტორმა გიორგი სულამანიძემაც გააკეთა და მომხდარის დეტალებზე ისაუბრა.

მისი ინფორმაციით, პირველი შემთხვევა არ არის, როდესაც მასზე თავდასხმა განხორციელდა.

სულამანიძე იხსენებს, რომ რამდენიმე წლის წინ, როდესაც ის ამ თანამდებობაზე ახალი დანიშნული იყო, მის მანქანას მუხრუჭის მილები გადაუჭრეს.

„რაც შეეხება ხელყუმბარას, რომელიც 2 დღის წინ ჩემს ავტომობილში იყო აღმოჩენილი, ზედ იყო წარწერა - „წადი, თორე მოგკლავ ". ეს იყო გაფრთხილება - „წადით",-განაცხადა სულამანძემ

შინაგან საქმეთა სამინისტროს ინფორმაციით, მომხდართან დაკავშირებით გამოძიება 151-ე, მუხლით არის აღძრული.