„ნაციონალური მოძრაობის“ წევრები ამ წუთებში ზუგდიდში დევნილებს ხვდებიან. შეხვედრა პარტიის ოფისში მიმდინარეობს.

დევნილები დეპუტატებს ფაქტებს აცნობენ, თუ როგორ მოხდა ზუგდიდში სახელმწიფოს მიერ ბინების გადანაწილება.

როგორც ისინი ამბობენ, მათთვის განკუთვნილი ბინები იმ დევნილების ხელში აღმოჩნდა, ვინც „ქართული ოცნების“ აქციებზე დადიოდა.

მათი თქმით, ამ ადამიანების ცხოვრების პირობები გაცილებით უკეთესია. დევნილებმა დეპუტატებს თხოვნით მიმართეს, რომ აღნიშნულ საკითხზე პარლამენტში კომისია შეიქმნას.

„ნაციონალური მოძრაობის“ წევრები მათ დაპირდნენ, რომ საკანონმდებლო ორგანოში დევნილთა მინისტრს დაიბარებდნენ და თითოეული დევნილის პრობლემაზე პასუხს სოზარ სუბარისგან მოისმენდნენ. ასევე დეპუტატების თქმით, ისინი მიმართავენ პროკურატურას თხოვნით, რომ ამ საქმეზე პარლამენტში საგამოძიებო კომისია შეიქმნას.