სოლიდარობის ფონდმა 7 წლის ბუკა ნიკურაძის სტამბულში მკურნალობა 53 000 აშშ დოლარით დააფინანსა.

როგორც მთავრობის ადმინისტრაციის უფროსის მოადგილე ნინო კობახიძე სოციალურ ქსელში წერს მოზარდის სტამბოლში გადაყვანის პროცესი გუშინ გვიან ღამემდე მიმდინარეობდა.

„უნდა დავწერო იშვიათად ვწერ ესეთ ამბებს, მაგრამ უნდა მოვყვე... გუშინ გვიან ღამემდე მიდიოდა პროცესი ბუკა ნიკურაძის გადაყვანის სტამბულში (ერთი რეანომობილი გაბრუნდა უკან გაუმართაობის გამო ვერ დაფრინდა, მეორე ჩამოფრინდა) სრულიად სამთავრობო ჯგუფები მობილიზებული იყვნენ, თუ კატასტროფის ბრიგადების საჭიროებისათავის და თუ აეროპორტში საჭირო დახმარებისათვის. ფონდის გოგოები წუთში ერთხელ ურეკავდნენ თურქეთის კლინიკას, რომ იქ ყველაფერი გამზადებული დახვედროდათ... თურქეთის კლინიკა სრულიად გაოგნდა, როდესაც გაიგო რომ ეს ბავშვი ჩვეულებრივი მოქალაქეა, რომელსაც პრემიერის სოლიდარობის ფონდი ყველაფერს გაუკეთებს იქამდე სანამ არ გამოჯანმრთელდება.. (დიდი ხანი კითხულობდნენ, ვინ არის ეს ბავშვი, ვინმეს შვილია და ა. შ ) გაოცდნენ როდესაც გაიგეს, რომ ყველა ასეთი საჭიროების 22 წლამდე ასაკის ბავშვს ზუსტად ანალოგიურად მოექცევა და ბოლომდე მიხედავს ფონდი. ..მადლობა თითოეულ ადამიანს ვინც რიცხავს ფულს ამ ფონდში“, - წერს კობახიძე.

7 წლის ბუკა ნიკურაძეს მას ლეიკემია აღმოაჩნდა. სოლიდარობის ფონდმა მისი მკურნალობა 53 000 აშშ დოლარით დააფინანსა.