უმრავლესობის წევრი გია ვოლსკი IRI-ს კვლევის შედეგებს ყურადღებას არ აქცევს.

მისი თქმით, ამის მიზეზი შესაძლოა იყოს ის, რომ მას დაბალი პოზიტიური რეიტინგი აქვს.

„საზოგადოებას რეიტინგებთან დაკავშირებით ცოტა ეჭვების აქვს. რეიტინგების მეცნიერულად ჩაღრმავება არ ღირს. რეიტინგებს ყურადღებას არ ავქცევ. შეიძლება იმიტომ, რომ მე დაბალი პოზიტიური რეიტინგი მაქვს და არ მომწონს“, - განაცხადა ვოლსკიმ.

საერთაშორისო რესპუბლიკური ინსტიტუტის - IRI-ის მიერ ჩატარებული პერსონალური რეიტინგის კვლევის თანახმად 70% უარყოფითი რეიტინგით ნინო ბურჯანაძე ლიდერობს, მას 65%-იანი ნეგატივით ,,ეროვნულ ფორუმის“ ლიდერი გუბაზ სანიკიძე მოსდევს, 61% კი ,,ერთიანი ნაციონალური მოძრაობის“ ერთ-ერთ ლიდერს გიორგი ბარამიძეს აქვს. საზოგადოების უარყოფითი დამოკიდებულების მიხედვით ლიდერთა სიაში მოხვდა ,,თავისუფალი დემოკრატების“ ერთ-ერთი ლიდერი ალექსი პეტრიაშვილიც და მას 48%-ი აქვს.