პრემიერის სპეციალური წარმომადგენელი რუსეთთან ურთიერთობაში, ზურაბ აბაშიძე პრეზიდენტის მხრიდან მისი საქმიანობის შეფასებას ბრიუსელიდან გამოეხმაურა.

ზურაბ აბაშიძის თქმით მას ყოველთვის მჭიდრო ურთიერთობა აქვს საგარეო საქმეთა სამინისტროსთან:

„დღიდან ამ ფორმატის დაარსებისა, საგარეო საქმეთა სამინისტროს წარმომადგენელი იღებს მასში მონაწილეობას, შესაბამისი ინფორმაცია შემდგომ ეგზავნება ყველა უწყებას, რომელსაც რაღაც შეხება აქვს ქართულ-რუსულ პრობლემატიკასთან. თუ იქნება კიდევ რაღაცა წინადადება, იდეა იმისათვის, როგორ უნდა გაუმჯობესდეს ზოგადად ეს მუშაობა, ყურადღებით მოვისმენდი“- განაცხადა ზურაბ აბაშიძემ.

შეგახსენებთ, ყოველწლიური მოხსენების დროს გიორგი მარგველაშვილმა განაცხადა, რომ პრემიერის წარმომადგნლის მანდატი არ არის ზუსტად განსაზღვრული და სურვილი გამოთქვა, მოხდეს ზურაბ აბაშიძის ქმედებათა სრული ინტეგრაცია საგარეო საქმეთა სამინისტროსთან.

_{ნინო ზედგენიძე}