კომუნიკაციების კომისია პრემიერის მიმართვის რეკლამით შეწყვეტის კანონიერებას სწავლობს

პოლიტიკა - 20:39, 01 Apr, 2015

1120

საქართველოს კომუნიკაციების ეროვნული კომისია ,,რუსთავი 2“-სა და ,,მაესტროს“ მიერ პრემიერ მინისტრის გამოსვლის პირდაპირი ტრანსლირების რეკლამით შეწყვეტის საკითხს სწავლობს - ამის შესახებ კომუნიკაციების ეროვნული კომისიის მიერ გავრცელებულ განცხადებაში აღნიშნული, რომელსაც ,,ნიუპოსტი“ უცვლელად გთავაზობთ:

,,ტელეკომპანია „რუსთავი 2“-მა დღეს, პირველ აპრილს საინფორმაციო გამოშვება „კურიერი სამ საათზე“ საქართველოს მთავრობის სხდომის პირდაპირი ტრანსლირებისას ქვეყნის პრემიერ-მინისტრის ირაკლის ღარიბაშვილის მიმართავა საზოგადოებისადმი რეკლამით შეწყვიტა. პროგრამის წამყვანმა განაცხადა: „ტელეკომპანია იძულებულია გავიდეს სარეკლამო ჭრაზე, ვინაიდან ამას დღეს ამოქმედებული „მაუწყებლობის შესახებ“ საქართველოს კანონი მოითხოვს“.

საქართველოს კომუნიკაციების ეროვნული კომისია ხაზგასმით აღნიშნავს, რომ „მაუწყებლობის შესახებ“ საქართველოს კანონში კომერციული რეკლამის რეგულაციის მიზნით განხორციელებული ცვლილებები, რომელიც მართლაც დღეს შევიდა ძალაში, ამგვარ ვალდებულებას არ ითვალისწინებს. ტელეკომპანია დაადგენს სამაუწყებლო ბადეს, ასევე, თავად განსაზღვრავს გაუშვას თუ არა პირდაპირ ეთერში მაღალი თანამდებობის პირების მიმართვა.

საქართველოს პარლამენტის მიერ 2004 წლის დეკემბრში „მაუწყებლობის შესახებ“ საქართველოს კანონის მიღების დღიდან, 63-ე მუხლის მე-11 პუნქტის შესაბამისად, იკრძალება შემდეგი პირდაპირი ტრანსლირების რეკლამით და ტელეშოპინგით შეწყვეტა: ოფიციალური სახელმწიფო ღონიძიება, უმაღლესი სახელმწიფო-პოლიტიკური თანამდებობის პირის ოფიციალური გამოსვლა და სხვა ...

რამდენად შესაბამისობაშია „მაუწყებლობის შესახებ“ საქართველოს კანონთან ტელეკომპანიების „რუსთვაი 2“-ის და „მაესტრო“ მიერ საქართველოს მთავრობის სხდომის პირდაპირი ტრანსლირებისას ქვეყნის პრემიერ-მინისტრის საზოგადოებისადმი მიმართავის რეკლამით შეწყვეტა კომისია სწავლობს და დამატებითი განმარტებები მოგვიანებით გაკეთდება“ - ნათქვამია განცხადებაში.