პროკურატურაში სასჯელაღსრულების მინისტრის ყოფილი მრჩევლის ლალი მოროშკინას დაკითხვა დასრულდა.

მოროშკინა საგამოძიებო უწყებამ ბიზნესმენ გელა ხარძიანის გარდაცვალების საქმეზე დაკითხვა.

„კარგი იქნებოდა დღეს ეს სამხილი გვქონოდა, სადაც ბესო ხარძიანი ძალით გაყავთ საკნიდან და ემუქრებიან გია უდესიანის სახელით. ჩვენ ეს ხელთ არ გვაქვს. შეკითხვები გამოძიებას უკვე გიორგი ტუღუშთან ექნება. ასევე კარგი იქნებოდა, რომ ჩვენ გვქონოდა ის კადრები, სადაც ღამის ორ საათზე შემოდის ნოტარიუსი და ბესო ხარძიანის კუთვნილ ქონებას აფორმებს რაღაცა გაურკვეველ სახელებზე და გვარებზე", - განაცხადა ლალი მოროშკინამ.

ბესიკ ხარძიანს 28 მარტს საკუთარ სახლთან ესროლეს. ის მიყენებული ჭრილობების შედეგად საავადმყოფოში გარდაიცვალა. მომხდარზე გამოძიებას პროკურატურა აწარმოებს. ფაქტზე აღძრულია საქმე სისხლის სამართლის კოდექსის 108-ე მუხლით, რაც განზრხა მკვლელობას გულისხმობს. ხარძიანის მეგობრები ხელს გია უდესიანს ადებენ.