ბინები მხოლოდ ხელისუფლების მხარდამჭერებს გადაეცათ- დევნილებმა ზუგდიდში აქცია გამართეს

პოლიტიკა - 15:36, 01 Apr, 2015

1196

ზუგდიდში, ლტოლვილთა განსახლების სამინისტროს ადგილობრივი დეპარტამენტის შენობასთან, კომპაქტურად ჩასახლებულმა დევნილებმა საპროტესტო აქცია გამართეს.
როგორც, აქციის მონაწილეებმა "ნიუპოსტთან" განაცხადეს, მიუხედავად იმისა, რომ მათ ეკუთვნოდათ სახელმწიფოს მიერ საცხოვრებელი ბინებით უზრუნველყოფა, მოხდა მათი იგნორირება და საცხოვრებელი ბინები მხოლოდ იმ ოჯახებს გადაეცათ, რომლებიც ხელისუფლების მხარდამჭერებად აღიქმებიან.

აქციის მონაწილეები აცხადებენ, რომ ბინები მიიღეს იმ ადამიანებმა, ვინც აქტიურად იღებდენ მონაწილეობას „ნაციონალური მოძრაობის“ წინააღმდეგ დაგეგმილ აქციებში და დევნილებზე ბინები სწორედ ამ ნიშნის მიხედვით განაწილდა.

აქციის მონაწილეებმა მოგვიანებით ზუგდიდის ნაციონალური მოძრაობის ფილიალის შენობასთან გადაინაცვლა. დევნილებმა ნაციონალური მოძრაობის წევრებს გადასცეს მათი საბუთები, რომლითაც დასტურდება, რომ ისინი საცხოვრებელი ბინებით დაკმაყოფილებას იმსახურებდენ და მოუწოდეს ნაციონალურ მოძრაობას, გამოიყენოს საპარლამენტო ტრიბუნა ამ პრობლემის გადასაჭრელად და მოითხოვოს საპარლამენტო კომისიის შექმნა, რომელიც ამ საკითხს გაარკვევს.