პრემიერი პრეზიდენტის პარლამენტში გამოსვლაზე არ დასწრების მიზეზებს განმარტავს და ამბობს, რომ მთავრობამ ამ საკითხზე გადაწყვეტილება ჯერ კიდევ ერთი წლის წინ მიიღო.

როგორც მთავრობის სხდომაზე ირაკლი ღარიბაშვილმა განაცხადა, მთავრობას აღარ სურს, რომ ყველაფერი იყოს პომპეზური და ამიტომ მიიღეს გადაწყვეტილება, არ დასწრებოდნენ გამოსვლას.

პრემიერი პრეზიდენტის მიერ გაკეთებულ განცხადებებსაც გამოეხმაურა და გიორგი მარგველაშვილი მთავრობის უსაფუძვლო კრიტიკაში დაადანაშაულა. ღარიბაშვილის თქმით, მარგველაშვილი მას არასოდეს მიმართავდა და ყოველი სატელეფონო ზარის ინიციატორი თავად პრემირი იყო.

„ჩემთვის ცოტა საწყენია როცა მიუთითებენ გუნდურობაზე და ჩვენ, მთავრობის წევრები ვისმენთ გაუმართლებელ და უსამართლო კრიტიკას ჩვენი გუნდის წევრის, პრეზიდენტის მხრიდან. მინდა ყველას შევახსენო, რომ ჩვენ მოსახლეობამ არ აგვირჩიოა, რომ მოისმინოს პრეზიდენტის კრიტიკა მთავრობისადმი ან ჩემი პასუხი პრეზიდენტისადმი. ეს სირცხვილია. ამისათვის დრო არ გვაქვს. ამაზე დრო არ უნ და დავხარჯოთ ისეთ საკითხებზე, რაც მოსახლეობისთვის პრიორიტეტს არ წარმოადგენს“, - განაცხადა პრემიერმა.