,,განვუმარტავ მოსახლეობას და არა პრეზიდენტს“ - ღარიბაშვილი მარგველაშვილს შენიშვნას აძლევს

პოლიტიკა - 15:23, 01 Apr, 2015

3304

პრემიერ-მინისტრი პრეზდენტის მიერ პარლამენტში გაკეთებულ განცხადებას გამოეხმაურა.

როგორც ირაკლი ღარიბაშვილმა მთავრობის სხდომის დაწყებამდე განაცხადა, მსგავსი სათათბიროები რამდენიმე ქვეყანაში არსებობს და მათი ფუნქციონირება წარმატებულია.

"არასოდეს კითხვა არ დასმულა, რას აკეთებს ეკონომიკური საბჭო და უშლის თუ არა ის რომელიმე სამინისტროს მუშაობას ხელს. მინდა მოსახლეობას განუმარტო თუ რატომ შევქმენით ეკონომიკური საბჭო, კრიზისების საბჭო და უსაფრთხოების საბჭო. მოსახლეობას მინდა განუმარტო და არა პრეზიდენტს, ეს მოდელი ჩვენ გადმოვიღეთ ისრაელის სახელმწიფოდან, სადაც პრემიერს მსგავსი სათათბიროები აქვს, რომლებიც ერთმანეთთან მჭიდროდ არის გადაჯაჭვული. მსგავსი საბჭოები არის დიდ ბრიტანეთში და აშშ-ში, ასე, რომ ამაში ახალი გამოგონება არ ყოფილა. მე შევეცადე კოორდინაციის გაზრდის ეფექტიანობის მიზნით საბჭოები შემექმნა, რომელიც რეალურ დროში ანალიზს გააკეთებდა ქვეყანაში მიმდინარე მოვლენებზე და სამინისტროებს დაეხმარებოდა ეფექტურ კოორდინაციაში. მიუღებელია მინისტრების მისამართით კრიტიკა პრეზიდენტის მხრიდან, რომ მინისტრები საბჭოს რიგით წევრებად ითვლებიან. უკაცრავად, მაგრამ ამ საბჭოს მე ვხელმძღვანელობ და სადაც პრემიერია ხელმძღვანელი იქ ბუნებრივია მინისტრი იქნება რიგითი წევრი. ასე, რომ აბსოლუტურად გაუგონარია ასეთი დონის დამაკნინებელი შეფასება. მინდა ყველას მოუწოდო, მათ შორის პრეზიდენტს, რომ ასეთი საუბრებით სახელმწიფოს ვავნებთ და ვაკნინებთ მინისტრებს და მათ საქმიანობას", - აღნიშნა პრემიემა.