რუსეთი და საქართველო - რას ფიქრობს მოსახლეობა ორი ქვეყნის ურთიერთობაზე

პოლიტიკა - 14:15, 01 Apr, 2015

3212

საერთაშორისო რესპუბლიკური ინსტიტუტის (IRI) კვლევის მიხედვით, საქართველოს მოსახლოების გამოკითხულთა 67% მიიჩნევს, რომ საქართველოს მიმართ რუსული აგრესია კვლავაც გრძელდება. 6%-ის აზრით, რუსეთის აგრესია დასრულდა და მეტნაკლებად სავარაუდოა, რომ განაახლოს. 21% აგრესიას დასრულებულად მიიჩნევს და მისი განახლების საშიშროებასაც ვერ ხედავს, ხოლო 6%-ს აღნიშნულ საკითხთან დაკავშირებით პასუხი არ აქვს.

რაც შეეხება, რუსეთთან შემდგომი დიალოგის საკითხს, კვლევების თანახმად, გამოკითხულთა 65%, რუსეთთან დიალოგის გაგრძელებას უჭერს მხარს. 20 % ნაწილობრივ გამოკითხულთა 4% ნაწილობრივ, ხოლო 8% რუსეთთან დიალოგის გაგრძელებას კატეგორიულად ეწინააღმდეგება. გამოკითხულთა 8 %-ს ამ თემასთან დაკავშირებით კონკრეტული მოსაზრება არ გააჩნია.

საქართველოს მთავრობის მიერ რუსეთის მიმართ გატარებულ პოლიტიკის შეფასებისას, გამოკითხულთა 17% საქართველოს მთავრობისა და რუსეთის ურთიერთობას დადებითად, 42% კი - ნაწილობრივ დადებითად აფასებს.

ნაწილობრივ უარყოფითი შეფასება აქვს - 18%-ს, ხოლო 8% ძალიან უარყოფითად აფასებს.

გამოკითხულთა 15%-ს კი პასუხი არ აქვს.

IRI -ის კვლევები 3-დან 28 თებერვლის ჩათვლით, საქართველოს 10 რეგიონში ჩატარდა. პირდაპირი ინტერვიუს სახით 18 წელს გადაცილებული 1,500 ადამიანი გამოიკითხა. კვლევის შედეგების ცდომილება კი 2,5%-ია.

ხატია ლაღიძე