საქალაქო სასამართლოში ე.წ. კაბელების საქმეზე მიმდინარე წინასასამართლო სხდომას შვეიცარიის ელჩი გიუნტერ ბეხლერი ესწრება. მასთან ერთად არიან „თავისუფალი დემოკრატების“ ლიდერებიც.

მათი თქმით, საქმე პოლიტიკურად არის მოტივირებული, თუმცა მათ მიუკერძოებელი და ობიექტური სასამართლოს იმედი აქვთ.

დღევანდელ პროცესზე დაცვის მხარე შუამდგომლობით მიმართავს მოსამართლეს, რომ თავდაცვის ყოფილი მაღალჩინოსნების მიმართ აღკვეთის ღონისძიება შეცვალოს.

პროცესი ცოტა ხნის წინ დროებით დაიხურა. ამის მიზეზად ის დასახელდა, რომ სხდომაზე წარმოდგენილი იქნება მასალები, რომელი სახელმწიფო საიდუმლეობას შეიცავს.

შეგახსენებთ, თავდაცვის სამინიტროს ყოფილ მაღალჩინოსნებს სახელმწიფო ბიუჯეტიდან ოთხ მილიონზე მეტი ლარის გაფლანგვისთვის აქვთ ბრალი წარდგენილი.