პარლამენტის თავმჯდომარე დავით უსუფაშვილი იმედოვნებს, რომ მომავალ წელს, როდესაც პრეზიდენტი საკანონმდებლო ორგანოში მივა, ქვეყანაში უკეთესი მდგომარეობა იქნება.

ამის შესახებ უსუფაშვილმა პარლამენტში ფრაქციების თავმჯდომარეების სიტყვით გამოსვლის შემდეგ განაცხადა.

მისი თქმით, ყველა იმ თემაზე, რაზეც დღეს პრეზიდენტმა ისაუბრა, დისკუსია გაგრძელდება.

„ჩვენ დღეს ყველამ შევძელით გასული წლის უმთავრესი მიღწევების თუ პრობლემების წარმოჩენა. ეს იყო ხანგრძლივი პერსპექტივის ანალიზი. ასევე მომავალი წლის განმავლობაში გვექნება ამ და სხვა თემებზე საუბარი და ერთი წლის შემდეგ, როცა პრეზიდენტი ჩვენთან მობრძანდება, გვექნება უკეთესი მდგომარეობა. ეს არის ჩვენი იმედი და გულწრფელი სურვილი. დარწმუნებული ვარ, ყველას ეს გვინდა, უბრალოდ გვინდა სხვადასხვა გზებით და საშუალებებით", - განაცხადა დავით უსუფაშვილმა.